English 
Albanian 
Q-ton është një sistem pompë ngrohje me gaz frigoriferik natyral CO2 që përdoret për përfitimin e ujit të ngrohtë sanitar. Ky sistem mund të aplikohet në ambjente të ndryshme si rezidenca civile, komerciale, turistike dhe industriale.
Q-ton është në gjendje të prodhojë ujë të nxehtë në temperaturë 90° C edhe nëse temperatura e ambjentit të jashtëm është -25° C. Asnjë paisje deri më tani nuk ka qenë kaq efikase në këtë drejtim! Për këtë qëllim në pajisje përfshihet një tip i ri kompresori me dy faza pune, prodhuar dhe çertifikuar nga Mitsubishi Heavy Industries.
Sistemi pompe ngrohje CO2 Q-ton ka një fuqi termike prej 30 kW, që siguron një temperaturë konstante edhe në prani të temperaturave të jashtme deri në -7° C, duke siguruar kështu sasinë e nevojshme të ujit të ngrohtë në çdo periudhë të vitit. Q-ton mund të prodhohjë deri në 750 l ujë të ngrohtë (në një përzierje 45° C) në çdo orë pune. Mund të instalohet edhe në mënyrë modulare deri në 16 pjesë, duke bërë të mundur një kapacitet prodhimi prej 480 kW (12.000 l ujë të ngrohtë në çdo orë pune).
Sistemi me pompë ngrohje CO2 instalohet lehtësisht, duke plotësuar të gjitha kërkesat e ambienteve të vogla, për spa me dimensione të mëdha, falë sistemit të kontrollit me "touch panel", i thjeshtë dhe praktik.
Sistemi i pompës ngrohëse CO2 Q-ton është tepër ekonomik. Kursimi në energji është superior në dallim me çdo sistem tjetër me djegie që mund të siguroj të njëjtin nivel ngrohje prej 90° C. Sistemi është gjithashtu i përshtatshëm për tju bashkangjitur, nga ana teknike e montimit, sistemeve tradicional të ngrohjes, kjo sepse vendoset jashtë centralit ngrohës.
Sistemi CO2 Q-ton bën të mundur një kursim në vlerë monetare, pasi është përllogaritur që ul shpenzimet për ngrohje 30-50% në krahasim me sistemet që punojnë me lënë djegse naftë, gaz etj.